Венко Филипче не е само партиски другар на Зоран Заев. Тие се и тендер-тандем кои ги интересираат само провизиите од кои сега градат и висококатници во најексклузивните светски дестинации, велат од ВМРО-ДПМНЕ. Тие обвинуваат дека во ек на ковид кризата, додека луѓето умираа, Венко Филипче направил јавна набавка за томографи за кои македонските граѓани платиле дополнителни 15 милиони денари.
„Имено, првично имало јавен повик за томографи на кој требало да се плати 21 милион денари, но двајцата мајстори за афери и тендери, Филипче и Заев, си одлучиле дека тоа не им одговара, па го поништиле тендерот. После тоа, со истата фирма си направиле нов тендер, по нивна мерка, но поскап за 15 милиони денари. Затоа Заев и си го постави својот послушен пион Венко Филипче за претседател на СДСМ, за да дофати уште некој тендер за уште некоја провизија“, се вели во соопштението од ВМРО-ДПМНЕ.
