САД не ги укинаа царините за полупроводници и мобилни телефони од Кина, објави денеска американскиот претседател Доналд Трамп на својата социјална мрежа “Вистина”. Најавата на Трамп доаѓа откако Американската царинска и гранична служба во петокот објави дека ослободува одредени кинески производи за широка потрошувачка, како што се паметни телефони, компјутери и полупроводници, од царина од 145% за кинескиот увоз. Тогаш беше објаснето дека за тие производи ќе се применува царината од 20% која беше воведена на почетокот на годината. Сепак, електрониката би била изземена од последниот бран тарифи. Одлуката е донесена по бројните предупредувања од американските технолошки компании дека новите царински правила би можеле драстично да ги зголемат цените на уредите, бидејќи повеќето од нив се произведени во Кина.
