Мицкоски: Ги споредуваме податоците со САД, ние имаме дефицит, не обратно

Македонија очекува укинување на минатонеделните царини од САД. Премиерот Мицкоски вели дека преговорите се одвиваат во насока Македонија да докаже дека има дефицит во трговската размена со САД, а не обратно. Сигурен е дека администрацијата на Трамп ќе се коригира, бидејќи се работи за грешка. Според владините пресметки, САД има поголем извоз овде, отколку увоз од Македонија, што значи дека има суфицит, а тие држави не подлежат на енормно зголемување на царините.