Полицијата го пронајде и го приведе возачот кој вчера попладне на улица во скопски Бутел со мотор прегази дете и наместо да застане да му помогне, тој избега. Настанот се случи на крстосницата на улиците „Ферид Бајрам“ и „Алпи“ во Скопје, кога мопед удри осумгодишно дете и го напушти на местото на настанот. На детето му се констатирани телесни повреди во болницата „Свети Наум Охридски“, соопшти МВР. Возачот, 63-годишен од Скопје, е пронајден и против него ќе биде поднесена кривична пријава по брза постапка за загрозување на безбедноста на сообраќајот, за безобѕирно возење и за неукажување помош на лице повредено во сообраќајна незгода.
