Тетовец и малолетничка се повредени откако автомобил синоќа излетал во водите на Вардар во тетовско. Од полицијата информираат дека случајот е пријавен во 19 часот и 40 минути. – На локалниот пат за село Челопек, кај мостот на река Вардар, патничко возило „Голф“ со скопски регистарски ознаки, управувано од Т.М. (39) од Тетово, излетало во реката. При тоа, со телесни повреди се здобиле возачот и една малолетна сопатничка, констатирани во Клиничката болница Тетово, информира МВР. Извршен бил увид од увидна екипа од СВР Тетово.
