Собранието доцна синоќа донесе девет закони по скратена постапка. Меѓу нив и измените со кои се воведува забрана за употреба на пиротехника во затворен простор, како одговор на трагедијата во дискотеката „Пулс“ во Кочани, во која загинаа 59 лица.
Властта и опозицијата постигнаа консензус дека се потребни построги казни и поголеми ограничувања во користењето на пиротехника, посебно во затворен простор. Владејачкото мнозинство чиј предлог се измените во овој закон, очекува поддршка од сите партии со цел, во иднина, да се спречат трагедии или хаварии како несреќата во Кочани. Со овој закон се проширува надлежноста на полицијата, и се овозможува поголема контрола околу користењето на пиротехника.
Со измените се предвидува зголемување на прекршочните глоби, а повторен прекршок носи и притвор. Полицијата ќе има зголемени надлежности за превенција на нарушувања на јавниот ред.
Донесени се и други измени, вклучително во законите за образованието, субвенциониран студентски оброк и безбедност и здравје при работа.
