Атлетскиот клуб Фортиус од Скопје во соработка со Семос Едукација на 30.03.2025 година го организира четвртото издание на трката “Семос Едукација Водно 10К” на која учество ќе земат 400 натпреварувачи.
Стартот на трката е во 10:00 часот на долниот паркинг на Средно Водно,а рутата на движење на атлетската трка е по асфалтниот пат (Р2138) до манастирот “Св.Пантелејмон” и назад со вкупна должина од 9,6 км. Покрај трката од 10км, ќе се трча и штафетна трка. Оваа делница ќе биде затворена за сообраќај од 06:00 до 13:00 часот.
За сите учесници Семос Едукација ќе обезбеди вредносни ваучери за кратки обуки за возрасни и деца, а победниците ќе добијат парични награди и вредносни ваучери за Семос Академии.
Апел до сите граѓани да го користат јавниот превоз, а за натпреварувачите е обезбеден бесплатен превоз кој ќе се обраќа од основното училиште „Кочо Рацин“ до паркингот на средно Водно, а после завршувањето на настанот по обратен редослед.
Ги повикуваме сите граѓани да дадат масовна подршка на натпреварувачите.
