Црвениот крст почна со исплатата на средства за семејствата на починатите и повредените кои се лекуваат во странство од трагичната несреќа во Кочани.
Со исплатата вкупно се опфатени 58 семејства од починатите лица вклучувајќи го и починатиот возач на брзата помош во Кочани, и 91 семејство од повредените кои се хоспитализирани во болниците надвор од нашата држава.
За секое лице е исплатено 150 илјади денари. За две семејства од починатите и 24 семејства од повредените кои се лекуваат во странство се чекаат дополнителни податоци за да може да се изврши исплатата и за нив. Во тек е прибирање на податоци за повредените кои се лекуваат во државата. Заклучно со денешниот ден собрани се околу 61 милион 853 илјади денари.
