Депонија со линдан во ОХИС, со шестовалентен хром во Јегуневце. Ова се само дел од веќе мапираните жешки еколошки точки во Македонија, а наследени од Југославија.
Земјава е пред долг и скап пат за да се воспостави долгорочно системско решение за опасниот отпад. Ова беше посочено на Балканскиот Форум за истражување на опасен отпад и стратегии за ремедијација на депонии.
Експертите алармираат дека Македонија е мала држава со ограничени капацитети а има големи количини на опасен отпад па мора да се развие стратегија во континуитет за да има ефект на долг рок.
…..Ве очекува долг и скап пат, ако се најде разум во сето тоа и ако се набљудува како долгорочно системско решение ќе се добие резултат, ако се менува со политиката ништо нема да се смени, потребен е континуитет…. рече Проф Илија Брчевски Професор на хемиски факултет во Белград
Во поглед на мапирање на можни опасни подрачја, Македонија е во процес на подготовка на закон за заштита на почви каде ќе биде пропишано како да се истражи која почва е загадена, и заедно со законот за управување на отпад ќе помогне да се регулира третирањето на отпадот и заштитата на здравјето на луѓето. Законот треба да почне да функционира од идната година. Дополнително треба да се изградат нови санитарни депонии
Инаку, конференцијата е во организација на Унгарска агенција за промоција на извоз, како и неколку унгарски и македонски еколошки организации.
Проектот има за цел истражување на индустриски локации со историски депонии со опасен отпад во Западен Балкан , истражување на иновативни решенија за ремедијација , односно расчистување на загадените индустриски локации и истакнување на иновативните решенија за привлекување финансиски ресурси на ЕУ.
