Неформалната група „Кој е следен?“ за вечерва во 18:59 има закажано протест на плоштадот во Скопје. Како организатор на настанот во полиција е пријавен 29-годишниот Борјан Ефтимов, кој има историја на насилни инциденти на слични настани.
Во мај 2016 година, Ефтимов бил осуден на три месеци условен затвор за палење и оштетување на канцеларијата на тогашниот претседател Ѓорѓе Иванов.
Според информации од минатото, Борјан скоро еден месец бил во куќен притвор, при што се жалел дека судијата не сакал да го сослуша пред да му биде одреден притвор, бидејќи на тој начин ќе ја признаел вината и немало потреба од притвор.
По промената на власта, Борјан добил некаква награда за учеството во шарената револуција. По укинувањето на директните избори за студентски лидер на Универзитетот „Св. Кирил и Методиј“, тој бил избран за претседател на Универзитетското-студентско собрание со 26 гласа од делегатите.
Во последно време, Борјан, иако завршил факултет, не ја напушта улогата на студентски лидер и организирал иницијатива во која НСС и Студентскиот пленум се обединети во неговата група „Кој е следен?“.
