Пет луѓе се повредени, од нив еден потешко, во тешка сообраќајна несреќа на експресниот пат Штип-Кочани, кај село Спанчево. Несреќата се случила околу 13 часот, кога цивилно возило удрило во задниот дел на армиски дефендер. Со потешки повреди се здобил 56-годишен Виничанец, кој е примен во штипската клиничка болница каде му се направени испитувања и снимања. Тројца припадници на Армијата се полесно повредени и се пренесени во Кочанската општа болница на понатамошни медицински испитувања, соопштија од Генералштабот на Армијата. На самото место увид извршиле припадници на МВР и на воената полиција.
