Вулканот „Килауеа“ на Хаваите продолжи да исфрла лава по еднонеделна пауза, пренесоа американските медиуми.
„Килауеа“ континуирано исфрла лава од кратерот кон врвот, пренесуваат агенциите, повикувајќи се на податоци од Американскиот геолошки институт.
Стопените камења кои беа исфрлени од вулканот останаа во националниот парк „Вулкани на Хаваи“ и не го загрозија населението. Вулканот започна да еруптира кон крајот на декември и од тогаш има периоди на исфрлање лава и мирни интервали.
Најкраткиот период на континуирани ерупции траел 13 часа, додека најдолгиот бил осум дена. Националниот парк, каде што се случи ерупцијата, се наоѓа на околу 300 километри од Хонолулу, главниот град на Хаваите.
