Емпатијата, другарството, взаемното помагање, но и почитувањето на различностите се чувствени вредности на кои со децата треба да се работи од најмала возраст. И дома, а и во образовно-воспитните установи. Континуираната едукација на начин прилагоден и интересен за нивната возраст е првиот чекор кон создавањето на идни здрави личности, сметаат надлежните од прилепската ЈОУ Детски градинки “Наша иднина“.
„Во текот на вчерашниот и во текот на денешниот ден не’ посетува Караванот од „Витаминка“ и им овозможува на децата да уживаат во една прекрасна музичко-драмска и интерактивна претстава чија цел е да се поттикнат кај децата емпатијата, важноста на другарството, значи почитување на меѓусебни различности и да се поттикне социо-емоционалниот развој на најраната возраст“ – вели Даниела Тренкоска, раководител на ДГ „Бончејца“, Прилеп.
Од Компанијата „Витаминка“ пак, велат дека тие, како општествено-одговорна компанија секогаш во својот фокус го имаат здравиот развој на најмладите, заради што и пред пет месеци одлучиле да реализраат еден ваков проект, заедно со Продукцијата „Триангл“.
„Со гордост можеме да кажеме дека преку Караванот на „Витаминка“, насловен „Роденденско другарување“, допревме до срцата на над 22.000 деца или 115 градинки ширум нашата република, носејќи им вредни лекции за другарството, емпатијата и почитта. Нашата мисија беше да ја поттикнеме свеста за важноста на општествените вредности на забавен и интерактивен начин“, – кажа Симона Симоновска, шеф на маркетинг во „Витаминка“, Прилеп.
„На мое големо задоволство, нашата Продукција „Тринагл“ со професионални изведувачи и со музика во живо, допревме до целата група во предучилишните установи и можам да заклучам дека е уникатен проект кој што заслужува големо внимание и е поттик за да се продолжи понатаму со вакви типови на кампања“, – посочи Десанка Григоријевиќ, режисер и сценарист.
Од „Витаминка“ велат дека после денешната завршница на овој проект, тие веќе работат и на нови вакви проекти.
Каролина Дурло
