Траен мир, во чии рамки новооткриените сили на науката и технологијата можат да се користат за да се подигне благосостојбата на човештвото до невидени височини е врвен заеднички интерес за чие постигнување и одржување, треба да понудиме свежи перспективи, порача денеска претседателката Гордана Силјановска-Давкова, на отворањето на 12-от глобален форум во Баку.
Силјановска-Давкова оцени дека овој форум прераснал во една од најважните меѓународни платформи и ги адресира најважните регионални и глобални прашања. Ова, според македонската претседателка е особено важно во оваа 2025-та година, за која некои очекуваат да биде пресвртна.
