Кај илјадници пациенти кои одат на очен лекар за проверка на перде, офталмолозите случајно им откриваат и очен пристисок кој е втора причина за слепило во светот. Глаукомот е тивок крадец на видот и затоа лекарите бараат неговото мерење да биде задолжителна обврска во систематските прегледи. Оваа болест која на почетокот не дава никакви симптоми може да биде решена и со хируршка интервенција. Специјланата очна болница “Деница” нуди бесплатни мерења на очен притисок. Пациентите се задоволни од прегледите и апелираат на редовна проверка на очите.
Офталмолозите од болницата “Деница” советуваат дека редовните очни прегледи се единствениот начин за рана детекција на болеста.И нагласуваат дека глаукомот не може целосно да се излекува но со соодветна тгерапија може да се зачува видот.
“Симптомите кога ќе се појават веќе е многу доцна затоа што веќе имаме оштетување на видниот нерв.Тоа оштетување е трајно и за жал некогаш кога не е откриено на време може да дојде и до губење на видот.Затоа е важно да се прават редовни офатлмолошки прегледи и секој после 40-та година обавезно да прави комплетен офаталмолошки преглед” вели д-р Снежана Божиновска, офатлмолог во очна болница Деница.
Глаукомот е главна причина за слепило во светот, со повеќе од 64 милиони луѓе заболени и глобална преваленца од околу 4 проценти.
