Во текот на вчерашниот ден (11.03.) полициските службеници изрекоа вкупно 827 платни налози во рамките на опфатните сообраќајни контроли низ патиштата во земјата. За прв пат по подолг период, прекршоците од неправилно паркирање и непридржување до пропишаната брзина на движење беа помалку изречени, додека беше забележан значителен број прекршоци сторени од пешаци. Вчера беа изречени 209 прекршоци од пешаците.
Според статистиката, за неправилно паркирање и непридржување до пропишаната брзина беа изречени 203 и 52 прекршоци, соодветно. Исто така, зголемен број прекршоци беше евидентиран за неносење сигурносен појас (82 прекршоци), а 13 учесници во сообраќајот беа казнети за неносење заштитен шлем. Дополнително, 35 возачи беа казнети заради говорење на мобилен телефон додека возеле.
Во текот на вчерашниот ден, пет возачи поминале на црвено светло, шестмина управувале возила под дејство на алкохол, додека 69 возачи биле санкционирани заради управување возила без возачки дозволи. Поради техничка неисправност, од сообраќај биле исклучени 10 возила, а 16 возила биле исклучени поради неважечка регистрација.
