ССМ е киднапирана од СДСM. Веќе подолг период овој синдикат нема автентнично делување, туку следи насоки на опозицијата. Слободан Трендафилов да каже колку тајни состаноци имал со СДСM и со кого се координира пред секој настап?, праша Бране Петрушевски, пратеник на ВМРО-ДПМНЕ.
„Трендафилов да не ги лаже работниците и јасно да каже, дали од СДСM му е кажано да излезе со илузорни барања за потоа тие да се налепат преку прес-конференции на темата?
Трендафилов е ставен во канал на партиското делување на СДСM. И таа улога свесно ја прифатил, и свесно ги манипулира внатре во ССМ.
Трендафилов да каже дали планот на СДСM кој го спроведува, тој е предвреме осуетен од самите работници, кои го разоткрија, па СДСM се приклучија со наводни предлози и решенија цела недела порано?
Точно знаеме кој и како го координира Слободан Трендафилов.
Паниката е огромна и кај Слободан Трендафилов и кај СДСM. А тоа се гледа и низ делувањето внатре во ССМ, каде на секој месец до два се менува Статутот. Од што се плашат Трендафилов и СДСM и што кријат од синдикалците?“. потенцира во изјавата Бране Петрушевски.
Продолжуваме со разобличување на Трендафилов и СДСM. Тие се прочитани, а нивниот план осуетен, додаде Петрушевски.
