Во склоп на Конференцијата за политичко дејствување на конзервативците (CPAC), која се одржува во Мериленд денес до сабота, имав можност да ја запознаам и да разговарам со Кимберли Флечер, основачка и претседателка на невладината организација “Мајки за Америка”, објави Жаклина Пешевска, пратеник во Собранието на РМ и Претседателка на Унија на жени на ВМРО-ДПМНЕ.
-Се согласивме дека и двете работиме на поставување на жената на позицијата што ја заслужува во семејството и општеството; дека жените имаат предиспозиции и вештини да се грижат за семејството и да се стремат кон високи лидерски позиции во општеството и бизнисот – со цел да го направиме светот подобро место за живеење за нашите деца, потенцира Пешевска.
Пријатниот разговор го завршивме со желба за понатамошна соработка и со покана за г-ѓа Флечер да ја посети Македонија, додаде таа.
