Нови тоалети, Пиар агенција, истражување на јавното мислење и организање на меѓународни конференции во странство. Додека јавноста чека на одговорност од судијата Пајазит Пајазити кој досега носеше скандалозни одлуки во случаи поврзани со корупција и луѓе од ДУИ, членовите на Судски совет расправаат за парите и јавните набавки што им се доделени за тековната година.
Пајазити не се појавил на дисциплинската, а доставил белешка дека е болен и расправата е одложена за 20 февруари. Минатиот пат, отсуството тој си го оправда со патување во странство. Се уште е неизвесно дали и наредниот месец ќе достави нова белешка и ќе си ја одложи одговорноста за бегството на Блерим Рамадани кој од затворски го смести во куќен притвот.
Во меѓувреме, членовите на Судски совет работат турбо. Селим Адеми кој во советот се смести на предлог од ДУИ, а претходно беше државен советник во Министерството за правда и во Секретаријатот за спроведување на Рамковниот договор тврди дека довербата на граѓаните е 20%, па дури и 30 % според истражувањето на Зружението на судии, а другите институции маниплирале со бројкитe. Затоа им требале пари самите да истражуваат.
Поранешната претседателка Весна Дамева која седна во Советот на предлог на шефот на државата Пендаровски и нема ниту еден ден судиски стаж, бара пари зошто Советот требало да организира меѓународни конференции, а и да се ангажира ПИАР агенција.
Адвокатката Чочоровска Илиевска за која има обвинувања дека пред да стане член на Советот, била донатор на СДСМ и пречат тоалетите во Советот.
Сепак, членовите беа на два ума дали да го одложат гласањето за годишниот план за јавни набавки за 2025 бидејќи поради законски рокови можеле да останат и без овие пари кои им се доделени. Меѓу другото на седницата беа затворени речиси сите претставки од граѓани и здруженија против постапувањето на судиите од цела Македонија.
