Некогашни партнери во добро и во зло, а сега со црни стрели еден кон друг – театар или вистинска кавга? ДУИ и СДСМ со денови наназад разменуваат остри изјави за етничките тензии и политичката ситуација во Македонија.
Во соопштение до јавноста, ДУИ обвинува дека СДСМ се користи со „албанофобија“ како политичка стратегија, ставајќи ги Албанците како егзистенцијална закана за Македонците. Од партијата тврдат дека македонските партии ја манипулираат јавноста, создавајќи страв од Албанците, додека реалната закана доаѓа од оние кои ја негираат идентитетската суштина на државата.
СДСМ, пак, ги обвинува лидерот на ДУИ, Али Ахмети, за поттикнување на етнички тензии, истакнувајќи дека неговите националистички реторики се опасни за мултиетничкото општество. Тие нагласуваат дека СДСМ е партија која се залага за мир и соживот меѓу етничките заедници и ги осудува сите националистички тенденции.
