Им пропаѓа обидот на трговците да „ќарат“ предновогодишно . Владата нема да го толерира односот на бизнисмените кои сакаат да зарботат со манипулации. Ако не паднат цените ќе има поригорозни мерки, рокот кој го имаат е до петок. По одлуката на влада, пазарна е веќе на терен.
„Сакавме да слушнеме од нив, да се поразговара на добра волја и да се донесе заедничко решение, кое ќе биде прифатено. И тоа се случи. Тоа што некој од нив се служат со трикови, тоа е друга работа. За тоа ќе има соодветни процедури. Трае анализата и тие процедури деновиве ќе бидат аплицирани“, Затоа што граѓаните очекуваат од нивна страна разбирање и во најмала мерка да биде така како што било, а не наеднаш да се зголемуваат цените на одредени продукти. На одредени продукти за 25% се зголемени цените на производите. Тоа не е етичко однесување, туку би рекол нечовечно однесување“, подвлече Мицкоски.
Институциите утврдија дека во изминатите 10 дена, паднале цените на продуктите кои се на листата, но за сметка на тоа, се покачиле цените на одредени производи што не ги опфаќа акцијата. Во министерството за економија се децидни, ако не паднат цените, ќе има одговорност и ќе се донесе мерка или за замрзнување цени или за ограничување маржи. Пазарна прави анализа и како се движат цените на основните прехранбени производи во изминатите три месеци
Сакам да апелирам до сите фактори во целиот овој процес, производители, дистрибутери и трговци, да ја покажат општествената одговорност за која зборуваа кога на нивен предлог ја креиравме оваа акција. Апелирам да ги коригираат цените на оние производи што се најпотребни во периодот на новогодишните празници и да им излезат во пресрет на граѓаните. Не може тоа што ним им беше дадено како право и можност, сега да го надоместуваат со драматично зголемување на некои други производи, рече Министерот за економија
Опозицијата пак преку пресови обвинува дека Владата била крива за манипулацијата, иако додека беа на власт постојано имаше злоупотреби од трговците
Акцијата новогодишна кошничка стартуваше на 15- ти декември како договор помеѓу Владата, трговците, производителите и дистрибутерите и треба да трае до 15- ти јануари.
