Како да се задржат младите и да не ја напуштат државата, подобрување на инфраструктурата, како и јакнење на туризмот, се само дел од предизвиците, кои градоначалниците од истокот, ќе се обидат да ги решат во наредниот период со проекти преку источниот планскиот регион.
„Нашата географска средина располага климатски фактори, со природни богатства коишто заедно со ИПР идниот период ќе се потрудиме да изработиме проекти за развој на туризмот, создавање на подобри услови за граѓаните, како и услови за поконкуретно земјоделие„ изјави Борчо Коцев, претседател на Советот на градоначалници на ИПР.
„Темите на коишто ќе работиме во периодот што следи, можноста за иницирање и развој на туризам, подобруваање на инфраструктурата, создавање на услови како и дигиталната трансформација и меѓуопштинската соработка, промоцијата на дигиталните услоги кон сите корисници и граѓани, што како предуслов верувам дека ќе биде причина за намалување на тој процент и таа тенденција на иселување„ изјави Иван Јорданов, градоначалник на Штип.
Во наредниот период преку ИПР, Кочани ќе бара начин конечно да го изгради и Домот за стари лица, со што ќе се реши деценискиот проблем со кои се соочуваат граѓаните од регионот.
„Преку ИПР ќе се обидеме до сите достапни фондови што ќе ни бидат на располагање, да дојдеме до такви средства, бидејќи реално нашите буџети не дозволуватѕ самостојно да градиме и реализираме вакви проекти, но со поддршка и од Центарот и од релевантните институции, сметам дека може да дојдеме до такви средства„ изјави Љупчо Папазов, градоначалник на Кочани.
Во изминатите шеснаесеттина години преку ИПР во источниот регион се реализирани околу 140 проекти, со кои значително се имат подобрено условите за живот на граѓаните. Отворениот ден на Источниот плански регион, финансиски е поддржан од Министерството за локална самоуправа и Швајцарската агенција за развој и соработка.
Александра Ристевска
