Бараат да се почитува албанскиот, а го газат македонскиот јазик. Во најновата серија скандали, закани и провокации од Али Ахмети, лидерот на ДУИ уште еднаш ја покажа својата одбивност кон официјалниот јазик на земјава – македонскиот.
На денешниот протест пред Уставниот суд, додека внатре траеше седницата за оспорениот Закон за јазици, Ахмети реши да зборува исклучиво на албански, без ниту најмала намера да ги уважи македонските медиуми и јавност. За целото негово обраќање не беше обезбеден никаков превод, иако тоа е законска обврска. Новинарите и целата македонска јавност беше сведок на скандалозниот игнорантски однос на Ахмети, кога одби да прозбори на македонски – официјланиот јазик во Македонија и мајчиниот јазик на околу 80 проценти од населението. Јазикот на државата во која повеќе од 20 години е функционер и од која зема пари.
Новинарите: „Ако може ова на македонски. А превод?“ – Ахмети замина.
Портпаролот на партијата Бујар Османи, се истрча во одбрана на неговиот лидер и само ги извести новинарите во текот на денот ќе добијат транскрип од неговата изјава.
„Ова го одговори лидерот на ДУИ Али Ахмети на албански јазик. Во текот на денот ќе добиете транскрипт“, рече портпаролот Османи.
Новинарите: „Но ова е важно, може да го каже на македонски јазик?“
Османи повтори: „Ќе добиете транскрипт.“
Ахмети ретко говори македонски, иако го знае, но вообичаено кога дава изјава на албански некои од партиските функционери го преведуваат. Често тоа го правеше Артан Груби, кој пак сега откако се најде на америнската црна листа не присуствуваше на протестот. Останува нејасно дали немаше превод заради осуството на Груби или затоа што Ахмети намерно Сакаше да ги испровоцира македонските новинари.
