Само со активни граѓани, може да се изгради стабилно општество. Расте интересот за младински активизам, но потребно е нашата држава да ги следи европските стандарди и волонтерството да се признае како работно искуство при вработувањето, сметаат од Граѓанскиот ресурсен центар.
„ Во нашата држава за жал системот за вработување не функционира баш така, без разлика што некој работодавачи го ценат волонтирањето, меѓутоа за жал мојот впечаток е дека не го ценат. Можеби се уште не е подигната свеста за тоа кои се бенефититит и како низ волонтерската работа самите волонтери ги градат своите капацитети и способности„ изјави Драгана Гмитровиќ, од Граѓанскиот ресурсен центар.
Волонтеризмот преставува промоција на хуманите вредности, смета средношколката Бојана Николова од Штип, која е активен член на Здружението на акцијаши-волонтери. Има учествувано на неколку акции во Македонија и Србија. Нејзина задача е да ги мобилизира младите, но и да им ги пренесе придобивките од волонтирањето.
„ Волонтеризмот за мене е хуманост и помагање. Овде не е само работата, туку и дружењето„ вели Бојана Николова.
„ Ќе ни треба повеќе време да ги раздвижиме младите за овие активности. Основната цел ни е токму на младите, да им се покажат позитивните работи од волонтерското активирање„ изјави Коле Кангалов од Здружението на акцијаши-волонтери.
Анализите на Организацијата на афирмација на средношколците покажува дека само околу 17% од младите целосно се запознати со законските регулативи, а дури 64% сметат дека компаниите не го вреднуват волонтерството.
