Премиерот Христијан Мицкоски, вечер во Брисел ќе присуствува на неформална работна вечера што за лидерите од земјите од регионот на Западен Балкан ја организира новиот претседател на Европскиот совет, Антонио Кошта. Покрај Мицкоски, на вечерата се поканети и косовската Претседателка, Вјоса Османи, претседателите на Србија и на Црна Гора, Александар Вучиќ и Јаков Милатовиќ.
Претседавачката на претседателството на Босна и Херцеговина, Жељка Цијановиќ и премиерите на Албанија и на Косово, Еди Рама и Албин Курти. Пред вечерата најавени се билатерални средби на Кошта со Мицкоски, Рама, Цијановиќ, Вучиќ и Курти, додека за утре претпладне е предвидено Претседателот на советот на ЕУ, да се сретне со Османи и Милатовиќ. За утре, беше најавувана и средба на лидерите на земјите од Западниот Балкан, со високи претставници на ЕУ, на која главна тема требаше да биде имплементацијата на планот на Европската комисија за раст на регионот, но таа е откажана.
Сепак, како што соопшти портпаролот на Европската комисија за проширување и меѓународни партнерства одлагањето на средбата нема да влијае на процесот на исплата на првите средства во рамките на планот за раст на Западниот Балкан.
