Се родил глув, со помош на апаратче денес слуша, но има проблеми со говорот. 12 годишниот Стефан Панчевски иако има сетилна попреченост што му носи предизвици во секојдневниот живот, тој редовно оди на училиште, сака да учи и слуша музика, а компјутерот му е јака страна. Неговата желба е да го продолжи образованието, за во иднина биде успешен компјутерџија. Неговата мајка Ирена раскажува дека Стефан и покрај животот со оштетен слух, тој напредува и се носи со своите врсници.
Стефан од својата 6-та година е со имплантиран апарат за слух. Таа интервенција му е направена во Полска. Затоа што во Македонија, тежок бил патот да добие помагало, за да му се подобри слухот.
Неговата мајка, порачува секој да се стави во улога на овие деца но и возрасни, односно да си замисли како е да поминат еден ден без да изговорат ниту еден збор.
Родителите на децата со оштетен слух алармираат дека во нашето општество постои општо неприфаќање и стигматизација за користењето на слушните помагала. Тие сакаат да направат чекор напред во уривањето на стереотипите за оштетениот слух како попреченост. Велат дека е време, да се стави крај на дискриминацијата на овие дечиња.
Во Македонија,во моментов нема листи на чекање за имплантиран апарат за слух – кохлеар. Годишно по 10 луѓе го добиваат ова слушно апаратче, а интервенцијата ја прават специјалисти на Универзитетска клиника за уво, грло и нос.
