Загадениот воздух во Македонија е сол на рана на болните од Хронична опструктивна белодробна болест.Докторите алармираат дека освен аерозагадувањето и пушењето го зголемува бројот на луѓе, кои страдаат од хронична опструктивна белодробна болест. Дополнитено што загрижува е тоа што се намалува и старосната граница на пациентите. Лекарите советуваат- клучна е раната дијагностика.. Институтот за белодробни заболувања и туберкулоза организираше бесплатно мерење на дишната функција. Дел од граѓаните кои беа прегледани се испратени на дополнителни испитувања.
ХОББ најчесто се јавува кај луѓето над 40 години. Навременото откривање и е редовните прегледи, според лекарите, спречува натамошни компликации.
Годишно по 1000 пациенти со тешка форма на Хронична опструктивна белодробна болест се хоспитализираат на Институтот за белодробни заболувања во Клиничкиот Центар.
Во Македонија 100.000 граѓани боледуваат од ХОББ. А годишно во светот 3 милиони луѓе умираат од оваа хронично заболување, кое е трета најчеста причина за смртност.
