Младите во Македонија и во Црна Гора најдоцна во Европа ги напуштаат домовите на своите родители, покажува анализата на статистичкиот портал „Ланд-Геист„ базирана на податоци на „Евростат„.
Балканот е на врвот на оваа листа. Младите во Црна Гора во просек остануваат да живеат со своите родители до 33,3 години, во Македонија до 32,1, во Хрватска 31,8, во Србија до 31,5, Грција 30,6, а во Бугарија до 30 години. Во Јужна Европа и на Балканот повеќе од половина од луѓето на возраст од 20 до 25 години живеат со своите родители.
Во европа, пак, оваа брока е под 20 отсто, па дури и под 10. Најрано од домовите на своите родители си заминуваат младите во скандинавските земји. Со просечна возраст од 21,4 години младите Финци заминуваат најрано. Веднаш зад нив се Данците и Швеѓаните на 21,8, па Норвежаните на 22 и пол години. Меѓу западновропските земји најдолго со своите родители остануваат да живеат младите Шпанци и Португалци до 30,4 односно – до 29,1 година.
