Проектите со кои општините аплицирале на јавниот повик за поддршка од владата се очекува да бидат одобрени на денешната владина седница. Александар Николоски вели дека од страна на министерството за транспорт проектите се завршени и одобрени и дека најголем дел односно околу 90 отсто биле во тоа министерството. Претходно беше соопштено дека 80 општини со 357 проекти аплицирале на јавниот повик за финансирање проекти од Владата со парите кои власта ги обезбеди преку заем од унгарската експорт – импорт банка .
Министерството за транспорт работи на модернизација на патната инфраструктура. Министерот Николоски од Велес изрази надеж дека до пролет ќе се стартува со проектирање на брзата пруга Скопје – Велес со што на оваа релација ќе се патува 25 минути. Во поглед на овој дел од државата се работи на изградба на нов мост на река Вардар, Башино село кој е најкритична точка за влез во Велес и не може да се санира. Се работи и на реконструкција на делницата Башино село до мостот во вредност од 44 милиони денари
Инаку во Велес денеска беше промовирана нова социјалназграда каде треба да се вдомат 29 семејства. Аплицирањето трае до 21 октомври, а Николоски е дециден дека процесот на доделување на социјални станови ќе биде максимално транспарентен, вели тој лично ќе го набљудувал за да нема злоупотреба.
