Ќе има и есенска и пролетна кошничка со замрзнати цени, владата ќе му излезе во пресрет на стопанството за законот за нефер трговски практики. Премиерот Мицкоски потврди дека се подготвува есенска кошничка со производи кои граѓаните највеќе ги употребуваатм а чии цени ќе бидат замрзнати, но како што најави, ќе има и пролетна кошничка.
Во однос на законот за нефер трговски практики, пак, напомена дека владата ќе му излезе во пресрет на стопанството доколку тоа побара одреден период за прилагодување. Според него, полека, но сигурно цените се стабилизираа, а добар резултат била и стапката на инфлација која во август изнесуваше 2,2 отсто.
„Ќе имаме предновогодишна кошничка, есенска кошничка во која ќе има своевиден избор на производи што се најупотребувани во тој период од годината, ќе имаме пролетна, и така натаму во зависност од тоа какви се потребите на граѓаните, во зависност од тоа што најмногу се троши ќе го следиме процесот и нема да дозволиме да ни се случи повторно висока стапка на инфлација со што ќе се влијае негативно на стандардот на граѓаните, изјави Мицкоски.
