50 отсто македонски производи да се продаваат во ланецот на маркети „Лидл“ побарал премиерот на средбата со раководството на компанијата. Колкав е процентот кој бил презентиран Мицкоски не откри, но посочи дека е многу пониско од она што го бара Владата сега. На средбта од менаџментот посочиле дека имале бројни потешкотии и административни бариери со кои се соочиле во време на претходната Влада, а сегашната ветува дека на брза трака ќе го откочи процесот и маркетите за брзо време веќе ќе работат во Македонија. Мицкоски е дециден – заврши времето на договарање со посредници и провизии:
Компанијата е присутна е повеќе години повеќе од 100-тина милиони евра веќе се влезсени и наша цел е од процентот кој ни беше претставен дека ќе бидат застапени македонски производи во компанијтата тој процент да дојде до 50 проценти но е далеку од тоа што очекуваме. Очекувам да работат во насока на нормите за цена што е прифатлива за македонските граѓани. Ние ќе испорачаме се без посредници, без „провизии“,па „јас го знам овој, оној“, такви работи нема да има, порача Мицкоски.
Мицкоски покрај барањето за поголема застапеност на домашни производи очекува и пониски и подостапни цени за граѓаните. Очекувањата од македонската Влада се дека „ Лидл“ до крајот на 2024 година ќе го зголеми извозот кој сега е во нагорен тренд,. Односно од Македонија да се извезат овошје и зеленчук во вредност од околу пет милиони евра оти очекувањата се дека извозот ќе се зголемува во Европа.
„Извозот кој што е сега добар, да речеме има нагорен тренд се дуплира, очекуваат од неколку стотини илјади евра во 2022 година, на два и пол милиона 2023 година, сега е 2024/2025 пет или шест милиони да биде извоз на производи од македонски компании во „ЛИДЛ“ маркетите насекаде во Европа да биде зголемен, да биде 10, 50 зошто да не и 100 и ценам дека доколку се сака се може“, кажа премиерот.
Инаку, Лидл е најголемиот европски синџир за малопродажба на храна , присутен е во 31 земја, каде работи со околу 12 илјади продавници и вработува повеќе од 360 илјади луѓе. ЛИДЛ од септември 2021 година е присутен и во земјава, а во јануари годинава ги „удри“ темелите за изградба на логистички центар во Куманово.
