Успешен обвинител и менаџерка, која ќе се справи со предизвиците на позицијата в.д. републички јавен обвинител. Само пофални зборови за Соња Симоновска од Советот на јавните обвинители кои во еден здив, едногласно, го испратија Љумобир Јовевски во пензија.
Ниту претседателката Душица Димитриевска не се воздржа да ја пофали Симоновска како обвинител со добра кариера зад себе. Одлуката паднала на состаноците зад затворена врата. Од вкупно осум обвинители кои работат во Републичкото обвинителство – членовите на Советот немале дилема за изборот на Симоновска, па на седницата сите девет членови кренаа рака „за“.
- „Ние одржуваме не само јавни седници, туку и контакти меѓу себе, разменуваме мислења. Мојот предлог кој е поддржан, е овој кој се изгласа едногласно“рече Димитриевска
Симовска, од јануари лани до сега му беше заменик на Јовевски. Таа ја извршуваше и функцијата виш јавен обвинител во скопското Вишо јавно обвинителство. На јавноста и е позната од времето кога се распаѓаше СЈО, а таа го застапуваше обвинението за „Титаник 2“.
Мандатот на Јовевски му завршува на 25-ти декември односно понеделник. Кога беше назначен за јавен обвинител во 2017-та година ветуваше дека ќе го враќа угледот на Обвинителството, но не само што не ја врати довербата кај граѓаните туку заминува од функцијата кога критики пристигнуваат од сите страни. Во изминатитот период, тој имаше амбиции да стане и уставен судија, со поддршка од владејачкото мнозинство, што заврши неуспешно иако беше подготвен да го прифати предизвикот.
Во меѓувреме, завршен е огласот за избор на државен обвинител, и до Советот е доставено барање да се даде позитивно или негативно мислење за кандидатите за државен обвинител пријавени на оглас. Но договарањето за наследник на Јовески, тешко им оди на коалициските партнери. Тројцата кандидати кои пројавиле интерес да раководат со Обвинителството се Фатиме Фетаи, Лидија Раичевиќ и Љупчо Коцевски.
Сепак, огласот, може да пропадне, и да не биде избран, ниту еден од кандидатите, па ќе мора да се оди на распишивање на нов оглас..
