„Блиску сме до договор за примирје со Израел. Го испративме нашиот одговор до катарските преговарачи“, изјави шефот на палестинската милитантна група Исмаил Ханијех, иако двете страни продолжуваат со борбите и бомбардирањата
Според агенцијата АФП, договорот би можел да вклучи петдневно примирје со прекин на копнените борби и ограничувања на израелските воздушни напади, при што палестинските милитантни групи би ослободиле меѓу 50 и 100 заложници, а за возврат, околу 300 Палестинци би биле пуштени од израелските затвори.
И од Белата куќа кажаа дека двете страни се најблиску до договор за примирје од почетокот на војната.
