Соединетите Американски Држави прават напори да ги евакуираат пациентите од болниците во Газа со поддршка од независна трета страна, изјави портпаролот на Стејт департментот Метју Милер.
„Сакаме безбедно да ги евакуираме пациентите од болниците за да ги извадиме од опасност. Би поддржале независна трета страна да спроведе такви евакуации. Знаеме дека и израелската влада би поддржала таков потег…Единственото прашање е дали Хамас ќе дозволи евакуација на пациентите од болниците или ќе продолжи да ги користи како жив штит?“, рече Милер и додаде дека Вашингтон контактирал со голем број хуманитарни организации за можна евакуација на пациентите, но не кажа кои, ниту пак дал други детали.
