Израелската војска соопшти дека упаднала во болницата „Ал-Шифа“ во Газа и ги повика милитантите на Хамас кои се кријат внатре да се предадат. Според последните извештаи од најголемата болница во Газа, во комплексот се уште има неколку стотици пациенти и медицински персонал, како и неколку илјади луѓе кои побарале засолниште таму.
Од министерството за здравство на Газа исто така потврдија дека израелските сили, вклучувајќи тенкови, влегле во западниот дел од болничкиот комплекс, и ги пребаруваат подрумите.
Д-р Мунир Ал-Бурш рече дека медицинскиот персонал ја одбил наредбата од израелските одбранбени сили да се евакуираат бидејќи не сакале да ги напуштат околу 700 пациенти кои инаку би умреле. Тој тврди дека биле известени за операцијата само 30 минути пред израелските сили да влезат во комплексот.
Израел смета дека Хамас има команден центар под Ал Шифа и ја користи болницата и тунелите под неа за да ги скрие воените операции и да држи заложници.
ИДФ претходно соопштија дека „врз основа на разузнавачките и оперативните потреби спроведуваат „прецизна и насочена операција против Хамас во одредени области на болницата Ал Шифа“.
