Владата и синдикатите денеска треба да стават парав на договорот кој го постигнаа за 10 отсто покачување на платите и 10 илјади денари регрес за годишен одмор.
Ова е решението кое беше постигнато на последниот економско социјален совет и ќе важи до 2025, од кога пак просечната плата ќе стане основица за плати во јавниот сектор, а к-15 ќе биде 30 отсто од висината на просечната плата во изминатата година.
Постигнатото решение ги раскара синдикатите. Од ССМ објаснуваа дека договореното е дел од општиот колективен договор, а секој синдикат посебно може да побара и да преговара за повеќе. На конечното потпишување на општиот колективен договор, му претходеа низа протести и штрајкови. Дијалогот повеќе од година и половина не мрдна од мртва точка, а владата се одлучи да направи чекор напред откако со генерален штрајк се заканија вработените во УЈП и во царина.
Конфедерацијата на слободни синдикати кажаа дека нема да го потпишат ваквиот колективнен договор, бидејќи според нив со овој договор нема никакво покачување во 2024 година, а според нивната пресметка следното покачување ќе биде само 3 проценти во 2025. Тие бараат согласно законот за минималец, да се усогласат платите во 2024, а со општ колективен да се поништуваат сите колективни договори.
https://youtu.be/t1CtQbhkovY
