Денарот е стабилен, со фиксен девизен курс. И во време на висока инфлација, не постои опасност од девалвација на нашата валута, сметаат економските експерти. Според нив Народната банка има капацитет и инструменти да го одбрани курсот на денарот.
„Никој во државта во овој момент не треба да размислува за било каква промена на девизниот курс. Девизниот курс се одржа, остана стабилен и мислам дека тоа е фундаментот и стабилноста на македонската економија. Системските и структурни проблеми кои ги има македонската економија, а кои се фактор за бавната развојна динамика се сосема на друга страна, а не во делот на девизниот курс„ изјави проф-д-р Дарко Лазаров од Економскиот фкултет при УГД-Штип.
Експертите прогнозират дека во скоро време ќе се стабилизираат шоковите трендови во македонската економија и полека ќе се вратиме на ниските проценти на инфлација. Одредени предизвици во делот на девизниот пазар прават и иселениците кои праќаат пари од странство.
„Самиот факт што имаме многу иселеници коишто праќаат дознаки од странство, прават одредени предизвици во делот на девизниот пазар , но затоа преку високото ниво на девизни резерви што ги има Народна банка, може слободно и сигурно да го одржува тоа ниво на девизниот курс„ изјави проф.д-р Стеван Габер од Економскиот факултет при УГД-Штип
Македонскиот денар денеска одбележува 31година од монетарното осамостојување, што беше тема и на научниот симпозиум што се одржа на Економскиот факултет при Универзитетот„ Гоце Делчев„. Нашите банкноти имаат симболи кои го изразуваат богатото македонско културно, историско и природно наследство.
