Еднократна финансиска помош од 10.000 денари ќе добијат семејствата на осудените за упадот во Собранието на 27 април од Општина Битола. Оваа одлука денеска беше изгласана на општинскиот Совет во Битола, по иницијатива на ВМРО -ДПМНЕ .
Според иницијативата, овие пари им се доделуваат на семејствата, бидејќи биле неправедно осудени. Оваа квалификација наиде на реакции во советот. Според советници од ДОМ ваква формулација треба да дава судот, а не општинските советници.
На оваа седница на битолскиот општински совет не присуствувале советници од СДСМ.
