За Велигден поригорозно, за Рамазан олабавено.Тетовската градоначалничка Теута Арифи издејствува уште едно нејзино барање да биде прифатено од Владата-скратување на полицискиот час, поради почетокот на рамазанските пости.Така ќе се избегнеле гужви пред маркетите, а граѓаните ќе имале повеќе време за пазарање.
“Поради започнување на месецот рамазан, има една нова динамика, што сметаме дека може да направи еден притисок, зголемување на бројот на луѓе пред макрети и слично, и да се загрози социјалната дистанца.Затоа побаравме таа мерка да биде продолжување на отворените часови до 19 часот.” – вели Теута Арифи
Мерките какви и да се, мора да се почитуваат, велат тетовци.Но,реагираат дека ова требаше да се побара и за велигденските празнувања, кога исто така имаше огромни гужви низ градот.
Со оглед на тоа што Рамазан се одбележува со социјални и религиозни собири, каде обично муслиманските семејства се собираат за да го прекинат постот, а вообичаено во џамиите пак, се собираат верниците на молитви, СЗО препорачува овие верски практики да се избегнуваат.Што препорачува пак, тетовското муфтивство, како ќе се одвиваат постите и дали треба да се воведе полициски час за Бајрам,не добивме одговор, и покрај тоа што ни беше кажано дека ќе го соопштат својот став.
Милена Вучевска
https://studio.youtube.com/video/JvmHhGyG2mo/edit
