Сите 19 вработени во локалната самоуправа во Чешиново-Облешево се во самоизолација. Зградата е затворена и целосно дезинфицирана, откако градоначалникот Горанчо Крстев и неговата сопруга се позитивни на Ковид 19. Нивната здравствена состојба е стабилна, немаат симптоми и се чувствуваат добро.
Дел од жителите се исплашени. Претпоставуваат дека бројот на заболени може да биде голем, а нивната општина да стане потенциално жариште.
Низ општината се шпекулира дека во изминатите десетина дена градоначалникот покрај вработените во локалната самоуправа, имал контакт и со вработени во неговата транспортна компанија, а имал и политички активности. Ваквите информации Крстев ги отфрли посочувајки дека тие поради пандемијата ги прекинале сите партиски активности, а ги редуцирал контактите со вработенните. Тврди дека повеќе од пет месеци немал никаков контакт со вработените во својата компанија, но сепак во понеделник десет шофери ќе бидат тестирани.
Животот и понатаму си продолжува, велат нашите соговорници. Сепак веста, дека токму градоначалникот е првиот инфициран во нивната општина, ги натера допоплнително да ги зајакнат заштитните мерки.
Самоизолацијата на целата локална самоуправа, нема да преставува хедикеп за граѓаните.
Алармот на социјалните мрежи вчера го вклучи храбриот статус на единствениот лекар во оваа општина д-р Јасминка Ајтовска која ги повика сите кои во изминатите десет дена биле во контакт со градоначалникот или со некој од вработените во општината, да се јават кај матичниот лекар.
Александра Ристевска
