Случајот со пронајденото безживотно тело на маж кај клучката за Смилковци и Смилковско Езеро се истражува како убиство. Безживотното тело било пронајдено утрината кај надвозникот, а од МВР кратко соопштија дека случајот бил пријавен „во СВР Скопје во 06:15 часот, откако било забележано лице без знаци на живот“. Телото е најдено покрај автомобилот на починатиот, а неговиот телефон е откриен во внатрешноста на возилото марка „Мерцедес“. Од Итната медицинска помош е констатирана смрт, при што е забележана прострелна повреда во пределот на ногата. Извршен е увид од увидна екипа при СВР Скопје. По наредба на јавен обвинител, телото на починатиот е предадено во Судска медицина за обдукција. Од МВР велат дека се преземаат мерки за целосно расчистување на кривично-правниот настан.