Руски ракети погодиле три моста преку реката Дњепар во Киев, при што загинале три лица, а околу 15 се повредени, соопшти градоначалникот на украинската престолнина, Виталиј Кличко. Станува збор за најголем напад врз сообраќајниците што ги поврзуваат левиот и десниот брег на украинската престолнина од почетокот на војната. Поради нападите, дел од сообраќајниците се затворени или сообраќајот на нив е ограничен, што го отежнува движењето на трите милиони жители на градот, кои секојдневно ги користат шесте главни мостови. Кличко соопшти дека избувнале и пожари во нападите, а оштетени се критична инфраструктура и згради. Нападите следуваат откако рускиот претседател, Владимир Путин, вети силен одговор на неодамнешната серија украински напади врз мостот што ја поврзува Русија со Крим.