Министерот за здравство Сашо Клековски денеска се сретна со д-р Димитар Ангелески, кој е именуван за нов директор на Државниот санитарен и здравствен инспекторат (ДСЗИ).
Д-р Ангелески е специјалист ортопед, кој своите студии ги завршил на Медицинскиот факултет при Универзитетот „Св.Кирил и Методиј“ во Скопје, а потоа завршил и специјализација од областа на ортопедијата. Во својата професионална кариера работел во Службата за итна медицинска помош при Здравствниот дом – Скопје, а ја извршувал и функцијата директор на Медицинскиот симулациски центар – соопшти Министерството за здравство.
Од Државниот санитарен и здравствен инспекторат, а со тоа и од новиот директор, очекувам да ја зајакне улогата на Инспекторатот во заштита на јавното здравје, што е можно побрза и повидлива инспекција на терен со доследна примена на прописите, како и континуирана отчетност и транспарентност во работата. Упатувам и благодарност на досегашниот директор д-р Кирил Лазов за работата и професионалниот ангажман – истакна министерот Клековски.

