Пред една недела му требаше војска и полиција да ги собере кравите, а сега откако Македонија се посрамоти пред светската јавност, вели проблемот можел да го реши за само десет дена. Градоначалникот на Крива Паланка, Сашко Митовски вели дека имал план и протокол, но повторно испотави барања до владата да му даделе законска основа да делува. Каква, не образложи.
„Ќе подготвам протокол и оперативен план и ќе ја спроведам акцијата за помалку од 10 работни денови. Само најдете начин да добијам законски овластувања“, изјави градоначалникот на Крива Паланка Сашко Митовски.
Митовски не чуствува одговорност, а во врска со тоа што приказната за кравите го заобиколија светот, не било срам за Крива Паланка, туку и на цела Македонија. Тој повторува дека државата била виновна за цвелиот слчучај. Зборива за немоќ на институциите заборавајќии дека и тој самиот е на чело на институцијата општина крива паланака.
„Ова е понижувачко за сите нас а најмногу за луѓето чии имоти се уништуваат коишто трпат материјални штети и коишто секојдневно ја плаќаат цената на немоќта на органите“, изјави градоначалникот на Крива Паланка Сашко Митовски.
Градоначалникот претходно истакна дека се неопходни дополнителни стручни, логистички, оперативни и финансиски ресурси, специјализирани возила и соодветен простор за сместување на животните. Од Владата побара да се прогласи кризна состојба, за да се обезбеди заедничка, координирана интервенција, со јасен оперативен план, активности по денови, прецизни задолженија и со точно утврдена одговорност.

