Вкупно 82-ца крводарители учествуваа на редовната крводарителска акција за месец ноември, која денеска се одржа во просториите на општинската организација на Црвениот крст во Делчево.
Меѓу учесниците имало и седум крводарители кои за првпат дарувале крв, со што се приклучиле на хуманото семејство на доброволни крводарители.
Од општинската организација на Црвениот крст Делчево изразија благодарност до сите учесници во акцијата за покажаната хуманост, солидарност и подготвеност да помогнат на оние на кои им е најпотребно.
Доброволното крводарителство, како што подвлекоа, претставува значаен чин на хуманост, бидејќи секоја дарувана единица крв може да придонесе за спасување човечки живот, а вклучувањето на нови крводарители е важен придонес за продолжување на традицијата на солидарност и хуманост во заедницата.
