Од Народната банка соопштија дека Европската комисија ги потврдува отпорноста на банкарскиот сектор и јакнењето на финансиската стабилност. Од Народната банка велат дека во годинешниот извештај Европската комисија го оценува банкарскиот сектор како отпорен, со солидна капитализираност, квалитет на кредитното портфолио и профитабилност. Дополнително, нотирани се активностите на Народната банка за зајакнување на финансиската стабилност и усогласување со европските стандарди.
Во извештајот се истакнува дека Народната банка останува посветена на водењето на монетарната политика во насока на одржување на ценовната стабилност, истовремено зајакнувајќи ги инструментите и надзорната рамка. Преземени се активности за подобро управување со ликвидноста, унапредување на монетарниот инструментариум и следење на климатските ризици. Со цел усогласување со регулативата на ЕУ, се препорачува земјата да ја зајакне финансиската независност на монетарната власт, соопшти Народната банка.
