На територијата на општина Кисела Вода се спроведува редовна есенска дератизација. Општината информира дека дератизацијата, со која ќе бидат опфатени повеќе од 2000 шахти, ја врши специјализираната фирма „Токсивет“.
-Процесот на дератизација ќе ги опфати сите месни и урбани заедници, со цел превенција, системско уништување на штетните глодари и заштита на здравјето на жителите. Во согласност со програмата на Секторот за комунални работи, инфраструктура, сообраќај и заштита на животна средина, Општина Кисела Вода спроведува редовна дератизација двапати годишно, во пролет и во есен. На овој начин се обезбедува сеопфатна заштита и се превенира појавата на заразни болести, што е од примарно значење за сигурноста на нашите сограѓани, се наведува во соопштението на општината.
