„Македонскиот јазик – извор на научни истражувања“ е насловпт на меѓународната конференција, која денеска и утре се одржува во рамките на 11. Отворени денови на Институтот за македонски јазик „Крсте Мисирков“.
Тема на годинешната конференција е „Нормата и јазикот“ и, како што соопшти организаторот, ќе учествуваат 95 домашни и странски лингвисти.
По затворањето на конференцијата, утре попладне учесниците ќе ја посетат црквата „Св. Кирил и Методиј“ во Тетово, каде што в петок, во рамките на четиридневната манифестација, ќе се одржи работилница „80 години од излегувањето на првата граматика на македонскиот литературен јазик“.
