Реклама

Модернизација и дигитализација за поконкурентно земјоделство

Аларм од надлежните дека опасна онлајн група демне деца и кај нас во Македонија

Пензионерите на нозе – бараат отчет и смена на Трајкова за која тврдат дека е нетранспарентно избрана на функцијата

„One Stop Shop“ на Ќафасан за забрзано движење меѓу Македонија и Албанија

Митовски ги исполитизира и кравите – Советниците од ВМРО-ДПМНЕ бараат решение за проблемот

Мицкоски: Коридорот 8 ќе биде целосно завршен во 2029-та, автопатот Кичево-Охрид во вториот квартал од 2027-мата година

Хаос и протести наместо решение – Митовски не го прифаќа акцискиот план на ВМРО ДПМНЕ за проблемот со кравите

Избрана фирма која ќе го подготви проектот за решавање на депонијата Буково

Капиталните проекти со реализација од 70% – Владата гради, но и враќа стари долгови наследени од претходната власт

Во Македонија подобро се живее од пред три години, кога власта ја водеа СДСМ и ДУИ

Мицкоски: Алта банка ќе се продаде, сите шпекулации и невистини на опозицијата паднаа во вода

Домот за стари лица во Прилеп со нови идеи за подобрување на условите за своите штитеници

Македонија

Средба на Сиљановска-Давкова со претставнички на Здружението „Јас Сум Жена“

Претседателката Гордана Сиљановска-Давкова оствари средба со претставничките на Здружението за вмрежување на…

Сподели:
Фото: Алфа Вести

Претседателката Гордана Сиљановска-Давкова оствари средба со претставничките на Здружението за вмрежување на жени, едуцирање и истражување „Јас Сум Жена“, во состав: Ана Дукоска, Анета Механджијска и Славица Јанкова со кои разговараше за претстојната конференција на „Јас сум жена“, која годинава е посветена на жените во бизнисот, како и за иницијативите на здружението за поврзување на жените.

Како што информираат од нејзиниот кабинет, претседателката на средбата ги поздравила настаните во чиј центар се жените и женските автентични приказни, коишто, како што рекла, откриваат бројни проблеми, но и видни успеси.

Според неа, годинашнава тема, фокусирана на жените во бизнисот е добар избор од многу причини, а особено заради фактот што женската економска самостојност е предуслов за креирање свој  живот, градење хармонична семејна заедница и учество во општествениот развој.

Реклама

-Сиљановска-Давкова ја поздрави храброста на „Јас сум жена“ во рушењето на митот за традиционално машки и женски професии,  преку запознавање со успешни жени – машиновозачки, капетани на бродови или оџачарки и охрабрување на девојките  слободно да го изберат и трасираат својот професионален пат, водени од сопствените афинитети, интереси и способности – се вели во соопштението од претседателскиот кабинет.  

Таа го поздравила учеството на конференцијата на жени – претприемачки од регионот, но и пошироко, кои имаат македонско потекло, како можност за запознавање со нивното релевантно, инспиративно и стимулативно искуство и воспоставување соработка со нив.

На средбата, гостинките ја запознале претседателката со партнерството со Здружението „До бебе по патот на ин-витро“, со намера да им овозможат конкретна помош на жените и семејствата на патот кон мајчинството и родителството.

Сиљановска-Давкова изразила разбирање и верба во остварувањето на посакуваната цел, како и поддршка на патот кон неа.

Претставничките на „Јас сум жена“ ја презентирале иницијативата за формирање совети за женско претприемништво во градовите и општините ширум земјава.

Исто така, ја запознале претседателката со интензивната и широка соработка со Агенцијата за иселеништво, која, како што рекле, треба да резултира со формирање советодавно тело и систем за реинтеграција на повратниците од странство.