Реклама

Митовски ги исполитизира и кравите – Советниците од ВМРО-ДПМНЕ бараат решение за проблемот

Мицкоски: Коридорот 8 ќе биде целосно завршен во 2029-та, автопатот Кичево-Охрид во вториот квартал од 2027-мата година

Хаос и протести наместо решение – Митовски не го прифаќа акцискиот план на ВМРО ДПМНЕ за проблемот со кравите

Избрана фирма која ќе го подготви проектот за решавање на депонијата Буково

Капиталните проекти со реализација од 70% – Владата гради, но и враќа стари долгови наследени од претходната власт

Во Македонија подобро се живее од пред три години, кога власта ја водеа СДСМ и ДУИ

Мицкоски: Алта банка ќе се продаде, сите шпекулации и невистини на опозицијата паднаа во вода

Домот за стари лица во Прилеп со нови идеи за подобрување на условите за своите штитеници

Обвинение за смртта на работникот кој падна во окно од лифт, охридското обвинителство гони две лица и две фирми

Николоски: Владата ги претвора плановите во видливи резултати на терен – 100 милиони денари за локалната инфраструктура во Валандово

Инфлацијата под контрола, мерките на Владата треба да придонесат за уште посилен ефект

Судење за соѕиданите 350 илјади евра – одбраната ја оспорува ДНК трагата на парите

Македонија

„Позитивна мисла – водич низ животот“: Објавена автобиографската книга на хуманистот Сафет Алили

Во издание на „Бата прес“ излезе од печат автобиографската книга „Позитивна мисла…

Сподели:
Фото: Алфа Вести

Во издание на „Бата прес“ излезе од печат автобиографската книга „Позитивна мисла – водич низ животот“ од Сафет Алили, хуманист и добротвор кој со години несебично помага на лица со потреба од ортопедски и други медицински помагала, како и на здравствени установи и клиники низ земјава.

Книгата, како што посочува рецензентот д-р Садик Идризи Аљабак, иако по форма е автобиографска, во својата суштина претставува дело за човечката истрајност, позитивната енергија и борбата со животните предизвици.

„Позитивна мисла – водич низ животот“ ја следи животната приказна на Алили, од соочувањето со здравствените предизвици и животот во инвалидска количка, до неговата борба да остане активен и да придонесува за семејството и општеството.

Реклама

Сафет Алили за својата хуманитарна работа во 2025 година доби високо признание од претседателката на државата проф. д-р Гордана Сиљановска Давкова.

Помагалата и современата опрема ги набавува во Луксембург каде што е еден од основачите на хуманитарната организација „Лецкер“ (LëtzCare), формирана во Луксембург во 2019 година. Организацијата, во која се вклучени и членови од неговото семејство, како и припадници на македонската дијаспора, реализира бројни активности насочени кон поддршка на здравствени установи, лица со инвалидитет и социјално ранливи категории.

Сафет Алили, повеќе од три децении живее и работи во Луксембург. Таму е еден од основачите и најактивните припадници на здруженијата од македонската дијаспора. Роден е во 1969 година. Израснал и се школувал во Тетово, а по потекло е од селото Присојница, во општина Маврово и Ростуше.

Според неговата официјална биографија, Сафет Алили во Луксембург се преселил во 1991 година, најпрво како студент, а професионалната кариера ја започнал како возач на автобус. Поради здравствени причини го менува животниот правец и се посветува на општествен и хуманитарен ангажман – сегмент кој силно се одразува и во неговото прво книжевно дело.

„Позитивна мисла – водич низ животот“ претставува спој од лична приказна, животна филозофија и хуманитарна мисија – книга создадена со желба стекнатото искуство да биде споделено со другите.

Книгата има 286 страници, фул-колор, со голем број факсимили и автентични фотографии за активностите на Сафет Алили. Наскоро ќе биде промовирана во Скопје.